"Chelsi" yarim himoyachisi Konor Gallaxer London klubini tark etish niyatida emas, deb xabar beradi Daily Mail.

Avvalroq Gallaxer xizmatlariga "Nyukasl Yunayted", "Nottingem Forest", "Sautgempton", "Everton" va "Kristal Pelas" kabi klublar qiziqish bildirayotgani xabar qilingandi. Manbaga ko‘ra, futbolchining o‘zi boshqa jamoaga o‘tishdan manfaatdor emas va "Chelsi"da qolmoqchi.

Gallaxer "Chelsi" tarbiyalanuvchisi hisoblanadi. 2017 yilda angliyalik yarim himoyachi London klubi bilan ilk professional shartnomasini imzolagan edi. 22 yoshli futbolchi joriy mavsumda APLda 17 ta o‘yinda maydonga tushib, 1 ta gol urdi va golli uzatmani amalga oshirdi.