"Челси" ярим ҳимоячиси Конор Галлахер Лондон клубини тарк этиш ниятида эмас, деб хабар беради Daily Mail.
Аввалроқ Галлахер хизматларига "Ньюкасл Юнайтед", "Ноттингем Форест", "Саутгемптон", "Эвертон" ва "Кристал Пэлас" каби клублар қизиқиш билдираётгани хабар қилинганди. Манбага кўра, футболчининг ўзи бошқа жамоага ўтишдан манфаатдор эмас ва "Челси"да қолмоқчи.
Галлахер "Челси" тарбияланувчиси ҳисобланади. 2017 йилда англиялик ярим ҳимоячи Лондон клуби билан илк профессионал шартномасини имзолаган эди. 22 ёшли футболчи жорий мавсумда АПЛда 17 та ўйинда майдонга тушиб, 1 та гол урди ва голли узатмани амалга оширди.
