Myonxengladbaxning «Borussiya» klubi «Bavariya»ga jo‘nab ketgan darvozabon Yan Zommerga o‘rinbosar topdi. «Monpelye» darvozaboni Yonas Omlin Germaniyaga yo‘l oldi, deb xabar beradi klub rasmiy sayti.

29 yoshli darvozabon bilan 2027 yilning yoziga qadar shartnoma imzolangan. Transfermarkt portali futbolchining narxini 7 million yevroga baholamoqda.

Fransiya chempionatining joriy mavsumida darvozabon 14 ta o‘yin o‘tkazib, 26 ta gol o‘tkazib yubordi va 3 ta bahsda o‘z darvozasi dahlsizligini saqlab qoldi.