Мёнхенгладбахнинг «Боруссия» клуби «Бавария»га жўнаб кетган дарвозабон Ян Зоммерга ўринбосар топди. «Монпелье» дарвозабони Йонас Омлин Германияга йўл олди, деб хабар беради клуб расмий сайти.
29 ёшли дарвозабон билан 2027 йилнинг ёзига қадар шартнома имзоланган. Transfermarkt портали футболчининг нархини 7 миллион еврога баҳоламоқда.
Франция чемпионатининг жорий мавсумида дарвозабон 14 та ўйин ўтказиб, 26 та гол ўтказиб юборди ва 3 та баҳсда ўз дарвозаси даҳлсизлигини сақлаб қолди.














