«Fiorentina» hujumchisi Luka Yovich qishki transfer oynasida sotilishi mumkin.
O‘tgan yozda serbiyalik futbolchi «Real»dan erkin agent sifatida «binafshalar» safiga kelib qo‘shilgandi. 25 yoshli hujumchi joriy mavsumning birinchi yarmida umidlarni oqlamadi, shu bois u sotuvga qo‘yilishi mumkin, deb xabar beradi «Marca». E’tiborlisi, futbolchining navbatdagi transferidagi umumiy summadan 50 foiz ulush «Real Madrid»ga tushadi.
Ma’lumot uchun, Luka Yovich «Fiorentina» safida 25 ta o‘yinda maydonga tushib, 7 ta gol urdi va 1 ta golli uzatmaga mualliflik qildi. Transfermarkt portali uning qiymatini 14 million yevroga baholamoqda.
