«Фиорентина» ҳужумчиси Лука Йович қишки трансфер ойнасида сотилиши мумкин.

Ўтган ёзда сербиялик футболчи «Реал»дан эркин агент сифатида «бинафшалар» сафига келиб қўшилганди. 25 ёшли ҳужумчи жорий мавсумнинг биринчи ярмида умидларни оқламади, шу боис у сотувга қўйилиши мумкин, деб хабар беради «Marca». Эътиборлиси, футболчининг навбатдаги трансферидаги умумий суммадан 50 фоиз улуш «Реал Мадрид»га тушади.

Маълумот учун, Лука Йович «Фиорентина» сафида 25 та ўйинда майдонга тушиб, 7 та гол урди ва 1 та голли узатмага муаллифлик қилди. Transfermarkt портали унинг қийматини 14 миллион еврога баҳоламоқда.