Kataloniyaning «Barselona» klubi himoyachisi Ektor Belyerin Angliya premyer-ligasiga qaytishdan bosh tortdi. 

Sport xabariga ko‘ra, himoyachi «Everton»dan taklif olgan, biroq «Gudison Park»ga o‘tishga rozi bo‘lmagan.

Manbaning xabariga ko‘ra, ispaniyalik hozircha «Barselona»ni tark etish niyatida emas. Futbolchining «ko‘k-anorranglilar» bilan shartnomasi yakunlanishiga olti oy vaqt bor, biroq u klubdagi faoliyatini tugatishga shoshilmayapti. Qolaversa, «Everton» hozir Angliya Premyer-ligasida jon saqlab qolish uchun kurashmoqda.

Belyerinning mavsum oxiridagi yangi klubi Ektor o‘tgan mavsum ijara asosida o‘ynagan «Betis» bo‘lishi mumkin.