Каталониянинг «Барселона» клуби ҳимоячиси Эктор Бельерин Англия премьер-лигасига қайтишдан бош тортди.
Sport хабарига кўра, ҳимоячи «Эвертон»дан таклиф олган, бироқ «Гудисон Парк»га ўтишга рози бўлмаган.
Манбанинг хабарига кўра, испаниялик ҳозирча «Барселона»ни тарк этиш ниятида эмас. Футболчининг «кўк-анорранглилар» билан шартномаси якунланишига олти ой вақт бор, бироқ у клубдаги фаолиятини тугатишга шошилмаяпти. Қолаверса, «Эвертон» ҳозир Англия Премьер-лигасида жон сақлаб қолиш учун курашмоқда.
Бельериннинг мавсум охиридаги янги клуби Эктор ўтган мавсум ижара асосида ўйнаган «Бетис» бўлиши мумкин.
