Myunxenning "Bavariya" klubi yanvar oyidagi transfer oynasida "Chelsi" hujumchisi Kay Xaversni sotib olmoqchi emas.
Jurnalist Florian Plettenbergning yozishicha, Yulian Nagelsmann jamoasining yanvar oyidagi transfer bozoridagi rejalari bajarilgan.
"Bavariya"ning qishki transfer oynasida yangi xaridlari - Deyli Blind va darvozabon Yann Zommer bo‘ldi. Manbaga ko‘ra, myunxenliklar endi hech qanday transferni rejalashtirmayapti.
"Bavariya" kelasi yozda Xavers variantiga qaytishi mumkin. Germaniya jamoasi hujumchi uchun taxminan 60 million yevro taklif qilishga tayyor.
Eslatib o‘tamiz, Kay avval Bundesligada Leverkuzen "Bayer" jamoasi tarkibida o‘ynagan.