Jurnalist Fabrisio Romanoning so‘zlariga ko‘ra, "Tottenxem" "Everton" bilan kelishuvga erishgan "Vilyarreal" hujumchisi Arno Danjumani o‘ziga jalb qilmoqchi.

25 yoshli futbolchi hatto Liverpulda klubda tibbiy ko‘rikdan o‘tgan, ammo transfer hali rasmiylashtirilmagan.

Futbolchining agenti allaqachon "shporlar" rahbariyati bilan muzokaralar olib borish uchun Londonga borgan.

"Vilyarreal" yanvar oyida Danjumani ijaraga berishga tayyor, agar shartnomada hujumchini shu yozda sotib olish varianti mavjud bo‘lsa.

Transfermarkt portali futbolchining narxini 35 million yevroga baholamoqda. Uning ispan jamoasi bilan shartnomasi 2026 yilning yoziga qadar mo‘ljallangan.