Timur Kapadze boshchiligidagi "Olimpik" bugundan e’tiboran Toshkent shahrida yig‘inni boshladi. Futbolchilar tushdan keyin "Chig‘atoy" stadionida ilk mashg‘ulotni o‘tkazishdi. Bu kichik tanaffusdan keyingi dastlabki mashg‘ulot bo‘lgani sabab o‘yinchilar yugurish va chigalyozdi mashqlar bilan kifoyalanishdi. Ertadan jamoa to‘laqonli mashg‘ulotlarni boshlaydi.
"Olimpik"mavsumoldi tayyorgarlikning uchinchi bosqichini Turkiyada davom ettiradi. Toshkentdagi mashg‘ulotlar 26 yanvarga qadar davom etadi. Keyin esa 27 yanvardan 15 fevralgacha yig‘in Turkiyaning Antaliya shahriga ko‘chadi.
Ushbu yig‘in doirasida jamoa bir nechta sinov-nazorat o‘yinlarida ishtirok etishi reja qilingan. O‘rtoqlik o‘yinlari haqida keyinroq xabar beramiz.
