Boks bo‘yicha Tailand bo‘lib o‘tayotgan U22 Osiyo chempionati qizlar o‘rtasidaga musobaqa yakuniga yetdi.

Kunning ikkinchi yarmida yana 3 nafar vakilimiz final jangini o‘tkazdi.

-66 kg vaznli Navbahor Hamidova finalda mo‘g‘ulistonlik Sesegdari Myagmarsurenga qarshi ringga ko‘tarildi va 5:0 hisobida g‘alaba qozondi.

-70 kg vazn toifasida Aziza Zokirova final jangida qozog‘istonlik Jasmin Kizatovaga qarshi ringga ko‘tarildi va afsuski 2:3 hisobida imkoniyatni boy berib qo‘ydi.

-75 kg vazn toifasida Sohiba Ro‘zmetova final jangida mezbon Tailand vakilasi Baison Manikonga qarshi o‘tkazdi va 0:5 hisobida yutqazdi.

Shu tariqa, final ringga ko‘tarilgan 8 bokschimizdan 5 nafari g‘alaba qozongan bo‘lsa, 3 nafari kumush medal bilan cheklandi. Yana ikki nafar bokschimiz bronza medalini qo‘lga kiritgandi.

Qizlarimiz U 22 Osiyo chempionatida umumjamoa hisobida birinchi bo‘lishdi!

Terma jamoamiz safida quyidagi bokschilarimiz sovrindor bo‘lishdi:

Oltin:
-48 kg: Farzona Fozilova
-50 kg: Sabina Boboqulova
-52 kg: Feruza Kazakova
-54 kg: Nigina O‘ktamova
-66 kg: Navbahor Hamidova

Kumush:
-57 kg: Sitora Turdibekova
-70 kg: Aziza Zokirova
-75 kg: Sohiba Ro‘zmetova

Bronza:
-63 kg: Ziyoda Yarasheva
-81 kg: Sahobat Husanova

Ma’lumot uchun, qizlar terma jamoamiz musobaqaga 11 nafar bokschi bilan yo‘l olgandi.

Yigitlar o‘rtasida final bahslari ertaga, 26 yanvar kuni o‘tkaziladi va unda 10 nafar bokschimiz finalda ringga ko‘tariladi.