Бокс бўйича Таиланд бўлиб ўтаётган U22 Осиё чемпионати қизлар ўртасидага мусобақа якунига етди.

Куннинг иккинчи ярмида яна 3 нафар вакилимиз финал жангини ўтказди.

-66 кг вазнли Навбаҳор Ҳамидова финалда мўғулистонлик Цецегдари Мягмарсуренга қарши рингга кўтарилди ва 5:0 ҳисобида ғалаба қозонди.

-70 кг вазн тоифасида Азиза Зокирова финал жангида қозоғистонлик Жасмин Кизатовага қарши рингга кўтарилди ва афсуски 2:3 ҳисобида имкониятни бой бериб қўйди.

-75 кг вазн тоифасида Соҳиба Рўзметова финал жангида мезбон Таиланд вакиласи Баисон Маниконга қарши ўтказди ва 0:5 ҳисобида ютқазди.

Шу тариқа, финал рингга кўтарилган 8 боксчимиздан 5 нафари ғалаба қозонган бўлса, 3 нафари кумуш медаль билан чекланди. Яна икки нафар боксчимиз бронза медалини қўлга киритганди.

Қизларимиз U 22 Осиё чемпионатида умумжамоа ҳисобида биринчи бўлишди!

Терма жамоамиз сафида қуйидаги боксчиларимиз совриндор бўлишди:

Олтин:
-48 кг: Фарзона Фозилова
-50 кг: Сабина Бобоқулова
-52 кг: Феруза Казакова
-54 кг: Нигина Ўктамова
-66 кг: Навбаҳор Ҳамидова

Кумуш:
-57 кг: Ситора Турдибекова
-70 кг: Азиза Зокирова
-75 кг: Соҳиба Рўзметова

Бронза:
-63 кг: Зиёда Ярашева
-81 кг: Саҳобат Ҳусанова

Маълумот учун, қизлар терма жамоамиз мусобақага 11 нафар боксчи билан йўл олганди.

Йигитлар ўртасида финал баҳслари эртага, 26 январь куни ўтказилади ва унда 10 нафар боксчимиз финалда рингга кўтарилади.