«Everton» egasi Farxad Moshiri klubni sotish haqida o‘ylayotganini inkor qildi. Britaniya matbuoti «Everton» yangi xo‘jayinlarni qidirayotgani haqida faol ravishda yozmoqda.
«Bularning barchasi haqiqatga to‘g‘ri kelmaydi. Men xaridorlarni qidirmayapman. «Everton» sotilmaydi», - deya Moshirining so‘zlarini keltirmoqda «Liverpool Echo».
Eslatib o‘tamiz, «Everton» mavsumni omadsiz o‘tkazmoqda. Jamoa Premyer-ligada so‘nggi o‘rinni egallab turibdi. Dushanba kuni «Everton» bosh murabbiy Frenk Lempardni iste’foga chiqardi.