«Эвертон» эгаси Фархад Мошири клубни сотиш ҳақида ўйлаётганини инкор қилди. Британия матбуоти «Эвертон» янги хўжайинларни қидираётгани ҳақида фаол равишда ёзмоқда.
«Буларнинг барчаси ҳақиқатга тўғри келмайди. Мен харидорларни қидирмаяпман. «Эвертон» сотилмайди», - дея Моширининг сўзларини келтирмоқда «Liverpool Echo».
Эслатиб ўтамиз, «Эвертон» мавсумни омадсиз ўтказмоқда. Жамоа Премьер-лигада сўнгги ўринни эгаллаб турибди. Душанба куни «Эвертон» бош мураббий Фрэнк Лэмпардни истеъфога чиқарди.