Pep Gvardiola Mikel Artetaga qarshi atigi bitta o‘yinda mag‘lub bo‘ldi.

Angliya kubogining 4-bosqichi doirasidagi o‘yinda “Manchester Siti” o‘z maydonida “Arsenal” ustidan g‘alaba qozondi (1:0). Bu shaharliklar uchun “kanonirlar” ustidan ketma-ket oltinchi g‘alaba.

Umuman olganda, Artetaning “Arsenal” jamoasiga qarshi o‘tkazilgan sakkizta o‘yindan Gvardiola boshchiligidagi “Siti” yettita g‘alaba qozondi va bir marta mag‘lub bo‘ldi.

Arteta 2019/20 yilgi mavsumda Angliya kubogi yarim finalida Gvardiola ustidan qozonilgan yagona g‘alabani qo‘lga kiritdi (2:0).

Eslatib o‘tamiz, 2022 yilning yanvarida “Man Siti” APL doirasida “Arsenal”ni “Emireyts”da mag‘lub etgandi (2:1), Arteta koronavirus testi ijobiy chiqqani uchun o‘yinni o‘tkazib yuborgan.

Arteta 2016 yilning yozidan 2019 yilning dekabrigacha "Siti"da Gvardiolaning yordamchisi bo‘lib ishlagan.