Пеп Гвардиола Микель Артетага қарши атиги битта ўйинда мағлуб бўлди.

Англия кубогининг 4-босқичи доирасидаги ўйинда “Манчестер Сити” ўз майдонида “Арсенал” устидан ғалаба қозонди (1:0). Бу шаҳарликлар учун “канонирлар” устидан кетма-кет олтинчи ғалаба.

Умуман олганда, Артетанинг “Арсенал” жамоасига қарши ўтказилган саккизта ўйиндан Гвардиола бошчилигидаги “Сити” еттита ғалаба қозонди ва бир марта мағлуб бўлди.

Артета 2019/20 йилги мавсумда Англия кубоги ярим финалида Гвардиола устидан қозонилган ягона ғалабани қўлга киритди (2:0).

Эслатиб ўтамиз, 2022 йилнинг январида “Ман Сити” АПЛ доирасида “Арсенал”ни “Эмирейтс”да мағлуб этганди (2:1), Артета коронавирус тести ижобий чиққани учун ўйинни ўтказиб юборган.

Артета 2016 йилнинг ёзидан 2019 йилнинг декабригача "Сити"да Гвардиоланинг ёрдамчиси бўлиб ишлаган.