Gollandiyalik mutaxassis Xub Stivens murabbiylik faoliyatini yakunlaganini ma’lum qildi. 69 yoshli gollandiyalik mutaxassis hatto o‘z vatanidan kelgan klub taklifini rad etganini tan oldi.

«Menga Niderlandiya klubidan taklif bo‘lgan edi. Lekin men endi hayotimni xavfga qo‘ymoqchi emasman.

Bu yil men 70 yoshga to‘ldim, murabbiylik faoliyatim aniq tugadi. O‘zimni yaxshi his qilsam ham, tanam aniq ogohlantirish yubordi.

Shifokorlar perikardit tashxisini qo‘yishdi», - deya Stivensning so‘zlaridan iqtibos keltiradi Express.de.

Eslatib o‘tamiz, Stivens murabbiylik faoliyatining asosiy qismini 1996 yildan 2002 yilgacha va 2011 yil sentyabridan 2012 yil dekabrigacha «Shalke»da o‘tkazdi. 2015 yildan buyon klub boshqaruvi a’zosi bo‘lib, ikki marta vaqtinchalik bosh murabbiy sifatida ham ishlagan.

U shuningdek, «PSV», «Kyoln», «Roda», «Gamburg», «Zalsburg», «PAOK», «Shtutgart» va «Xoffenxaym» kabi klublar bilan ishlagan.