2019 yilda «Arsenal» hujumchi Nikolya Pepe uchun 80 million yevro to‘lagan. Shimoliy Londondagi uch mavsum u umidlarni oqlay olmadi va o‘tgan yozda «Nissa»ga ijaraga o‘tdi. Biroq, Pepe «kanonirlar» lageriga o‘tganidan afsusda emas.
«Angliyadagi vaqt menga rivojlanishimga yordam berdi. Katta bo‘ldim, farzandli bo‘ldim. Men juda yaxshi yaxshi tajribalarga ega bo‘ldim. Bu mening fikrimni shakllantirdi va bugun menga yordam berdi», dedi Pepe RMC Sport nashriga.
Nikolya Pepe «Arsenal» uchun 112 ta rasmiy o‘yinda 27 ta gol va 21 ta golli uzatmaga mualliflik qilgan.
