Shanba kungi kubok o‘yinida Markus Reshford «Reding» darvozasini ishg‘ol etdi, ammo gol hisoblanmadi.
Natijada, «Manchester Yunayted» hujumchisi Dennis Vayolletning o‘z uyida ketma-ket tarzda gol urish bo‘yicha klub rekordini yangilay olmadi. Reshford bu borada 9 ta o‘yinda gol bilan to‘xtagan.
«Afsuski, VAR meni yana mag‘lub etdi. Bu joriy mavsumda uchinchi marta sodir bo‘ldi. «Old Trafford»da ketma-ket gol urish bo‘yicha rekordni yangilash aql bovar qilmas ish bo‘lardi. Lekin men Dennis Vayolletning rekordini takrorlaganimdan faxrlanaman», - deb yozdi Reshford ijtimoiy tarmoqda.
«Manchester Yunayted» o‘z maydonida «Reding»ni 3:1 hisobida mag‘lub etdi.













