Yakshanba oqshomida Italiya chempionatida “Roma” safarda “Napoli”ga 1:2 hisobida imkoniyatni boy berdi.
Ko‘pincha jamoaviy suratlar g‘alabalardan keyin olinadi, ammo rimliklar mag‘lubiyatdan keyin kiyim almashtirish xonasida suratga tushishdi. Taxminlarga ko‘ra, surat tashabbuskori jamoa bosh murabbiyi Joze Mourinyo bo‘lgan. U suratni ijtimoiy tarmoqqa joylashtirdi.
"Qanday jamoa, qanday ruh, qanday ijro! Olg‘a. Chorshanba kuni “Olimpiko”da ko‘rishguncha", — deb yozdi Mourinyo suratga izoh berib.
"Roma" ayni damda Italiya chempionati turnir jadvalida oltinchi o‘rinda bormoqda.
