Якшанба оқшомида Италия чемпионатида “Рома” сафарда “Наполи”га 1:2 ҳисобида имкониятни бой берди.
Кўпинча жамоавий суратлар ғалабалардан кейин олинади, аммо римликлар мағлубиятдан кейин кийим алмаштириш хонасида суратга тушишди. Тахминларга кўра, сурат ташаббускори жамоа бош мураббийи Жозе Моуриньо бўлган. У суратни ижтимоий тармоққа жойлаштирди.
"Қандай жамоа, қандай руҳ, қандай ижро! Олға. Чоршанба куни “Олимпико”да кўришгунча", — деб ёзди Моуриньо суратга изоҳ бериб.
"Рома" айни дамда Италия чемпионати турнир жадвалида олтинчи ўринда бормоқда.
