"Milan" Rafael Leau bilan bog‘liq vaziyat yuzasidan bayonot berdi.
Avvalroq “rossonerilar” va Portugaliya terma jamoasining 23 yoshli vingeri o‘rtasida yangi shartnoma bo‘yicha muzokaralar to‘xtab qolgani, futbolchi yangi shartnomaga tovon pulini 70-80 million yevro etib belgilaninishi xohlayotgani haqida xabar berilgandi.
"Bugun La Gazzetta dello Sport gazetasida "Leau-"Milan": to‘liq tanaffus" sarlavhasi ostida chop etilgan maqolaga kelsak, "Milan" Rafael Leau bilan muzokaralar to‘xtatilmaganiga oydinlik kiritmoqchimiz.
Jurnalistlarning tomonlar o‘rtasidagi munosabat sovuqlashgani haqidagi taxminlari nafaqat mutlaqo asossiz, balki klub va futbolchi uchun ham zararli.
Haqiqatan ham, "Milan" Leau va uning atrofidagilar bilan tinch va professional muhitda muloqotni davom ettirmoqda", — deyiladi "Milan" bayonotida.
Joriy mavsumda Leau "Milan" safida barcha turnirlarda 27 ta o‘yinda maydonga tushib, 9 ta gol va 7 ta golli uzatmaga mualliflik qildi.