Fransiya terma jamoasi bosh murabbiyi Didye Desham terma jamoadagi faoliyatini yakunlagan Rafael Varan bilan hayrlashdi.
"Rafael bir necha kun oldin menga qo‘ng‘iroq qilib, xalqaro faoliyatini yakunlash qarori haqida xabar berdi. U bu qarorni qabul qilishdan oldin ijobiy va salbiy tomonlarini o‘ylab ko‘rishga vaqt ajratgan aqlli bola. Suhbatimiz tafsilotlariga kirmasdan shuni aytamanki, Rafael Fransiya termasidagi sarguzashtlari yakuniga yetganiga ishonadi. Men ham u bilan bir xil vaziyatda edim, men uning dalillarini tushunaman va qarorini hurmat qilaman. U o‘zining yetakchilik fazilatlari bilan jamoamizga qanday yordam berishi mumkinligini o‘ylasam, biz uchun juda achinarli.
Albatta, 2012 yil avgust oyida boshlangan munosabatlarimizni hisobga olsak, bu sahifani yopish men uchun juda qiyin. O‘shanda Rafael "Real"ning yosh, umidli futbolchisi edi, u men boshchiligimdagi Fransiya terma jamoasidagi birinchi o‘rtoqlik uchrashuvi maydonga tushdi. Men unga 21 yoshida sardorlik bog‘ichini berdim, chunki u haqiqiy lider edi. U jamoamiz qadriyatlarining kafolatchilaridan biri bo‘lgan holda mening fikrlarimni jamoaga a’lo darajada yetkazdi.
Uning murabbiyi bo‘lganimdan juda xursand bo‘ldim. Unga baxt va faoliyatidagi eng yaxshi o‘sishni tilayman", - deya Desham dedi Fransiya futbol federasiyasi rasmiy saytiga.
