Huquqlari "Zenit" tomonidan sotib olingan "Korintians" himoyachisi Robert Renanning manfaatlarini himoya qiluvchi futbol agenti Luis Fernando Garsiya "Real" futbolchiga qiziqayotgani haqidagi ma’lumotga munosabat bildirdi.
"Men nima deyishni bilmayman, ular men bilan bog‘lanishmadi", - dedi Garsiya Metaratings.ru sayti bilan suhbatda.
19 yoshli Renan "Korintians" tarbiyalanuvchisi bo‘lib, u jamoa safida 13 ta o‘yin o‘tkazib, 1 ta golli uzatmani amalga oshirgan. Futbolchi yanvar oyi boshida "Korintians"dan "Zenit"ga o‘tgandi. Himoyachining Peterburg klubi bilan shartnomasi 2028 yilning yoziga qadar tuzilgan.
