«Barselona» bosh murabbiyi Xavi Ernandes yarim himoyachi Serxio Busketsning shartnomasi bilan bog‘liq vaziyat haqida gapirdi.
Eslatib o‘tamiz, yarim himoyachining «ko‘k-anorranglilar» bilan shartnomasi mavsum oxirida yakuniga yetadi, biroq futbolchi hali kelajagi borasida bir qarorga kelmagan. Ispaniyalik futbolchining xizmatlariga MLSning «Inter Mayami»si qiziqish bildirmoqda.
«Buskets tez orada kelajak haqida qaror qabul qiladi. U keyingi mavsumda jamoada bo‘ladimi yoki yo‘qmi, bilmayman. Hamma narsa unga bog‘liq. U nima istayotganini o‘zi hal qilishga loyiq», - dedi Xavi matbuot anjumanida.
