«Барселона» бош мураббийи Хави Эрнандес ярим ҳимоячи Серхио Бускетснинг шартномаси билан боғлиқ вазият ҳақида гапирди.

Эслатиб ўтамиз, ярим ҳимоячининг «кўк-анорранглилар» билан шартномаси мавсум охирида якунига етади, бироқ футболчи ҳали келажаги борасида бир қарорга келмаган. Испаниялик футболчининг хизматларига МЛСнинг «Интер Майами»си қизиқиш билдирмоқда.

«Бускетс тез орада келажак ҳақида қарор қабул қилади. У кейинги мавсумда жамоада бўладими ёки йўқми, билмайман. Ҳамма нарса унга боғлиқ. У нима истаётганини ўзи ҳал қилишга лойиқ», - деди Хави матбуот анжуманида.