"Tottenxem"ning hujumkor yarim himoyachisi Deyan Kulushevski "Manchester Siti"ga qarshi bo‘lib o‘tadigan o‘yin haqida gapirdi.
Ingliz OAV xabariga ko‘ra, "shporlar" bosh murabbiyi Antonio Konte o‘yinga kela olmaydi, mutaxassis operasiyadan keyin reabilitasiyani davom ettirmoqda.
“Agar biz usiz ham g‘alaba qozonsak, u sayyoradagi eng baxtli odam bo‘ladi. Biz undan ko‘p qarzdormiz va bizning vazifamiz u bizga o‘rgatgan narsalarni, hatto u bo‘lmaganda ham qilishdir.
Maydonga chiqsak, biz o‘z kasbiy burchimizni bajaramiz, lekin biz ham insonmiz, his-tuyg‘ularimiz bor. Konte kuchli odam. U o‘z muammolaridan shikoyat qilmaydi, hatto unga oson bo‘lmasa ham", - deydi shvesiyalik futbolchi.
