“Barselona” va Ispaniya terma jamoasining sobiq himoyachisi Jerar Pike 600 ming yevro pora berganlikda gumonlanmoqda, deb xabar bermoqda Marca.

Ispaniya soliq agentligi Pikening Kosmos Football kompaniyasi Ispaniya Superkubogini Saudiya Arabistonida o‘tkazish bo‘yicha shartnoma imzolaganidan so‘ng uning hisobidan shubhali transferlarni aniqladi.

Pike noma’lum hisob raqamiga soliq sifatida ko‘rsatgan holda 669 649 ming yevro yubordi. Ushbu transfer Ispaniya rasmiylari tomonidan ro‘yxatga olinmagan va 2019 yil iyulidan 2022 yil apreligacha bo‘lgan soliq to‘lovlari miqdori g‘aznachilikda e’lon qilinganlarga to‘g‘ri kelmaydi.

Avvalroq Xalqaro tennis federasiyasi (ITF) shartnomani bir tomonlama buzganidan keyin yetkazilgan zararni undirish maqsadida sobiq futbolchi va uning “Kosmos” kompaniyasi ustidan sudga da’vo tayyorlayotgani ma’lum bo‘lgan edi.