Germaniyalik mutaxassis Yurgen Kloppning "Liverpul" bosh murabbiyligidan chetlatilishi mumkinligi haqida mish-mishlar tarqalishda davom etmoqda. "Mersisaydliklar"ning ustozi Angliya chempionatining joriy mavsumidagi muvaffaqiyatsiz natijalari tufayli o‘z lavozimidan chetlatilishi mumkin.
Todofichajes nashrining so‘zlariga ko‘ra, Kloppning "Enfild"dagi vorisi Ispaniya terma jamoasi va "Barselona"ning sobiq bosh murabbiyi Luis Enrike bo‘lishi mumkin. U "qizil furiya"ni tark etganidan keyin ishsiz maqomida.
Yurgenning "Liverpul" bilan shartnomasi 2025/2026 yilgi mavsum oxirigacha amal qiladi.
20 ta o‘yindan so‘ng “qizillar” 29 ochko jamg‘arib, Premyer-liga turnir jadvalida o‘ninchi o‘rinni egallab turibdi.
