Joau Feliks qishki transferda “Atletiko Madrid”ni “Chelsi”ga almashtirdi. London jamoasi portugaliyalikni ijaraga oldi, avvalroq Madrid klubi u bilan shartnomasini 2027 yilning o‘rtalariga qadar uzaytirgandi.
"Atletiko" va "Chelsi" o‘rtasidagi kelishuv Feliksni sotib olish variantini o‘z ichiga olmaydi. Biroq “matraschilar” 23 yoshli futbolchini sotishga tayyor. Shu bilan birga, ular Joauga jiddiy narx belgilashdi - klub transfer uchun 140 million yevro so‘raydi. Bu haqda Mundo Deportivo o‘z sahifalarida xabar berdi.
Joau Feliks “Chelsi” safida hozirgacha bor-yo‘g‘i bir marta maydonga tushdi. Unda portugaliyalik qizil kartochka oldi va natijada 3 o‘yinga diskvalifikasiya qilindi.
