Iste’dodli hujumchi Ansu Fati «Barselona»dan ketishi mumkinligi haqida yangi mish-mishlar paydo bo‘ldi.

Jurnalist Elena Kondisning so‘zlariga ko‘ra, futbolchi jamoadagi hozirgi rolidan juda xavotirda.

Qayd etilishicha, bir qancha klublar Fati atrofidagi vaziyatni bilish uchun uning agenti bilan bog‘langan, biroq «ko‘k-anorranglilar» rahbariyati futbolchining sotilmasligini qat’iy aytgan.

Eslatib o‘tamiz, avvalroq «Barselona»ga 50 million yevrolik taklif tushsa, Ansu boshqa jamoaga o‘tishi mumkinligi xabar qilingandi. Fatiga qiziqayotgan klublar orasida «Manchester Yunayted» va «Bavariya» nomlari bor.