Истеъдодли ҳужумчи Ансу Фати «Барселона»дан кетиши мумкинлиги ҳақида янги миш-мишлар пайдо бўлди.
Журналист Элена Кондиснинг сўзларига кўра, футболчи жамоадаги ҳозирги ролидан жуда хавотирда.
Қайд этилишича, бир қанча клублар Фати атрофидаги вазиятни билиш учун унинг агенти билан боғланган, бироқ «кўк-анорранглилар» раҳбарияти футболчининг сотилмаслигини қатъий айтган.
Эслатиб ўтамиз, аввалроқ «Барселона»га 50 миллион евролик таклиф тушса, Ансу бошқа жамоага ўтиши мумкинлиги хабар қилинганди. Фатига қизиқаётган клублар орасида «Манчестер Юнайтед» ва «Бавария» номлари бор.
