"Roma" bosh direktori Tiagu Pintu yarim himoyachi Nikolo Dzanyoloning klubni tark etishi haqida fikr bildirdi.
8 fevral kuni Dzanyolo "Galatasaroy"ga o‘tgani ma’lum bo‘ldi.
"Dzanyoloni juda yaxshi ko‘rishardi. Men javob bermoqchi emasman, lekin A Seriyaning eng muhim jamoalariga nazar tashlasangiz, qancha o‘yinchi tekinga ketgan? Ko‘pchilik, lekin xayriyatki, Rimdan emas.
Agent bilan yaxshi munosabatdamiz, ammo kelisha olmadik. Siz o‘zingizni juda yaxshi va ma’lum miqdorda pul olishingiz mumkin deb o‘ylashingiz mumkin, lekin agar siz "Roma"dan ketmoqchi bo‘lsangiz, o‘zingizga faqat "Bornmut" va "Galatasaroy"dan qiziqish ko‘rasiz, demak siz unchalik yaxshi emassiz yoki nimadir noto‘g‘ri. Dzanyoloning munosabatidan biroz hafsalamiz pir bo‘ldi, lekin hayot davom etmoqda. "Roma" har qanday futbolchidan ustun", - dedi Pintu Roma Press bilan suhbatda.
Joriy mavsumda Dzanyolo "Roma" safida barcha turnirlar doirasida 17 ta o‘yinda maydonga tushib, 2 ta gol urdi va 3 ta golli uzatmani amalga oshirdi.
