"Bavariya" darvozaboni Manuel Noyer va jamoa ustozi Yulian Nagelsmann uchrashuv o‘tkazib, o‘zaro kelishmovchiliklarni hal qilishdi. Bu haqda Bild nashri xabar berdi.

Shu bilan birga, manba ta’kidlaganidek, darvozabon klub rahbariyatiga nisbatan tanqidiy gaplari uchun moliyaviy jazoga tortiladi. Noyer 1,6 million yevro miqdorida katta jarimaga tortilishi mumkin.

Eslatib o‘tamiz, tomonlar o‘rtasidagi mojaroga darvozabonlar murabbiyi Toni Tapalovichning ishdan bo‘shatilishi sabab bo‘lgan. Noyer rahbariyatning bu qaroriga keskin munosabat bildirdi va shov-shuvli intervyu berdi.

Manuel qishki tanaffus paytida oyog‘i singanligi sababli bu mavsum boshqa o‘ynamaydi.