"Milan"da Karlo Anchelotti bilan birga ishlagan Jorjio Chaskini italiyalik mutaxassis boshqarishni orzu qilgan klub nomini aytdi.
"Anchelottining orzusi - "Roma" bosh murabbiyi lavozimini egallash. Suhbatlarimiz davomida bu klub haqida ko‘p bor gapirgan. Karlo qalbida "Roma"ga bo‘lgan muhabbat bilan o‘sgan. Men uni Rimda tasavvur qila olaman”, - deydi mutaxassis.
Eslatib o‘tamiz, futbolchi bo‘lganida Anchelotti 1979 yildan 1987 yilgacha "Roma" sharafini himoya qilgan. Joze Mourinyo hozirda "bo‘rilar" bosh murabbiyi.
Anchelottining "Real" bilan shartnomasi 2024 yilning yoziga qadar mo‘ljallangan.