Italiya A Seriyasining yigirma ikkinchi turidan o‘rin olgan uchrashuvda Turinning «Yuventus» jamoasi fransiyalik yarim himoyachi Adriyen Rabyo tomonidan kiritilgan yagona gol evaziga «Fiorentina»ni mag‘lub etdi.
U birinchi bo‘limda gol urdi, shundan so‘ng turinliklar kerakli hisobni saqlab qoldi. Rabyo o‘yinga izoh berdi.
«To‘pga egalik qilish borasida yaxshiroq o‘ynashimiz mumkin edi. Biz o‘zgarishimiz kerak, bizda ajoyib o‘yinchilar bor, ular endi safga qaytmoqda.
Biz Italiya kubogida muvaffaqiyat qozonishni istaymiz, Yevropadagi maqsadlar katta, umuman olganda, bu mavsumda hali kurashadigan narsalar ko‘p», - deya Rabyoning so‘zlarini keltirmoqda Juvenews.eu.
