Govard Uebb VAR xatolari uchun "Arsenal" va "Brayton"dan uzr so‘radi.

Avvalroq, "Brentford"ning “Arsenal”ga urgan goli (1:1) videoyordamchi hakam ofsayd chizig‘ini chizishni unutib qo‘ygani uchun xato deb hisoblangan edi. Agar ular shunday qilishsa, gol bekor qilingan bo‘lardi.

"Brayton"ning "Kristal Pelas" darvozasiga urgan goli (1:1) VAR xatosi tufayli noto‘g‘ri bekor qilindi - ofsayd chizig‘i noto‘g‘ri o‘yinchiga chizilgan.

Premyer-liga hakamlar qo‘mitasi boshlig‘i Govard Uebb "Arsenal" va "Brayton"dan xato uchun uzr so‘radi. U seshanba kuni VARda ishlaydigan hakamlar bilan favqulodda yig‘ilish o‘tkazib, ushbu vaziyatlarni muhokama qiladi.

Sky Sports nashri xabariga ko‘ra, "Brayton" o‘yinidagi mojaro sababli bugun va chorshanba kunlari bo‘lib o‘tadigan "Liverpul" va "Everton", shuningdek, "Manchester Siti" va "Arsenal" o‘yinlarida VAR hakami almashtirilgan.

Bu uchrashuvlarda “Brayton”ning golini xatolik bilan bekor qilgan Jon Bruks o‘rniga Andre Marriner va David Kut VAR tizimida ishlaydi.