"Yuventus" bosh murabbiyi Massimiliano Allegri Yevropa ligasining 1/16 finali doirasida "Nant" bilan o‘yin arafasida turnirning ahamiyati haqida o‘z fikrlari bilan o‘rtoqlashdi.
Eslatib o‘tamiz, Yevropa ligasi g‘olibi milliy chempionat yakunida qanday o‘rin egallashidan qat’iy nazar, Chempionlar ligasida to‘g‘ridan-to‘g‘ri ishtirok etishi mumkin bo‘ladi. "Yuventus" moliyaviy firibgarlik ayblovlari tufayli sud qarori bilan klubdan 15 ochko olib tashlanganligi sababli A Seriyada 9-o‘rinda bormoqda.
“Evropa ligasi biz uchun muhim maqsad va keyingi mavsumda Chempionlar ligasida ishtirok etish imkoniyatidir. Biz 1/8 finalga chiqish uchun bu bosqichdan o‘tib, keyin finalga chiqishni istaymiz. Chempionlar ligasidan tushib ketish bizni g‘azabda qoldirdi. Lekin Yevropa Ligasida ham g‘alaba qozonish oson emas.
Ushbu turnir bizga taqvimni to‘ldirish imkoniyatini beradi, chunki biz juda ko‘p o‘ynaganimiz yaxshi. Biz Italiya kubogi yarim finaliga chiqdik, shuningdek, Yevropa Ligasidagi sayohatimizni davom ettirishimiz kerak va buning uchun "Nant"ga hurmat bilan yondashishimiz kerak", - deya Allegrining so‘zlaridan iqtibos keltiradi klub rasmiy sayti.
