"Nottingem Forest" himoyachisi Renan Lodi keyingi mavsumda "Atletiko Madrid"ga qaytishi dargumon. Eslatib o‘tamiz, braziliyalik futbolchi o‘zining amaldagi klubida joriy mavsum oxirigacha ijara asosida o‘ynaydi. Lodiga bo‘lgan huquqlar "matraschilar"ga tegishli bo‘lib qolmoqda.
Jurnalist Matteo Morettoning yozishicha, futbolchining bosh murabbiy Diyego Simeone bilan munosabatlari hamon yomon. Ularning "Atletiko"da birlashishi yaqin kelajakda mumkin emas.
Agar Simeone jamoani tark etsa, Lodi "Atletiko"da ikkinchi imkoniyatga ega bo‘lishi mumkin. Ayni damda “matraschilar” Ispaniya chempionati turnir jadvalida to‘rtinchi o‘rinda bormoqda.













