Gollandiyaning «PSV» klubi yarim himoyachisi Xavi Simons sobiq jamoadoshlariga qanday munosabatda bo‘lishini aytdi.

19 yoshli futbolchi o‘tgan yozda o‘yin amaliyotiga ega bo‘lish uchun Parijdan Eyndxovenga ko‘chib o‘tgandi.

Hujumkor yarim himoyachining so‘zlariga ko‘ra, «PSJ»da kamdan-kam maydonga tushishiga qaramay, u doimo super yulduzlar bilan muloqot qilish orqali ko‘p narsalarni o‘rgangan: «Messi va Mbappe kabi futbolchilar bilan har kuni suhbatlashish ulkan sovg‘a.

Ramos va Markinyos haqida ham shunday deyish mumkin. Ilgari men bu odamlarni faqat televizorda ko‘rganman, keyin esa ular bilan o‘ynab, mashg‘ulot o‘tkazishga muvaffaq bo‘ldim. Albatta, bu men uchun juda yoqimli va foydali bo‘ldi», - dedi Simons.