Голландиянинг «ПСВ» клуби ярим ҳимоячиси Хави Симонс собиқ жамоадошларига қандай муносабатда бўлишини айтди.
19 ёшли футболчи ўтган ёзда ўйин амалиётига эга бўлиш учун Париждан Эйндховенга кўчиб ўтганди.
Ҳужумкор ярим ҳимоячининг сўзларига кўра, «ПСЖ»да камдан-кам майдонга тушишига қарамай, у доимо супер юлдузлар билан мулоқот қилиш орқали кўп нарсаларни ўрганган: «Месси ва Мбаппе каби футболчилар билан ҳар куни суҳбатлашиш улкан совға.
Рамос ва Маркиньос ҳақида ҳам шундай дейиш мумкин. Илгари мен бу одамларни фақат телевизорда кўрганман, кейин эса улар билан ўйнаб, машғулот ўтказишга муваффақ бўлдим. Албатта, бу мен учун жуда ёқимли ва фойдали бўлди», - деди Симонс.
