Myonxengladbaxning «Borussiya» klubi hujumchisi Markus Tyuram Milanning «Inter» klubi bilan muzokaralar olib bormoqda, deya xabar beradi Calciomercato.

«Neradzurrilar» yanvar oyidayoq 25 yoshli fransiyalik futbolchiga asosiy da’vogarlardan biri bo‘lgandi, biroq o‘shanda transfer amalga oshmagandi.

Hujumchi «Borussiya» bilan yozda tugaydigan shartnomani uzaytirmoqchi emas, shu bois endi u boshqa klublar bilan ochiq muzokara olib borishi mumkin.

«Inter» allaqachon futbolchiga yiliga 5 million yevro maosh bilan besh yillik shartnoma taklif qilgan.

Tyuram joriy mavsumda Dortmundning «Borussiya» klubi safida 20 ta o‘yinda maydonga tushib, 13 ta gol urdi va 4 ta golga assistentlik qildi.