«Arsenal» bosh murabbiyi Mikel Arteta yarim himoyachi Aleksandr Zinchenkoning jamoa uchun ahamiyati haqida gapirdi.
«Bizga shunday tajribaga ega bo‘lgan, yosh o‘yinchilarga to‘g‘ri yo‘lni ko‘rsata oladigan, tasalli bera oladigan futbolchilar kerak. Biz shu haqida gapiryapmiz.
Agar siz ligada g‘alaba qozonishni istasangiz, hamma narsaga qodir bo‘lishingiz kerak. Gohida bitta-ikkita o‘yinda mag‘lub bo‘lasan, gohida g‘alaba qozonasan, goh 96-daqiqada kambek qilishga to‘g‘ri keladi, gohida 10 ta o‘yinchi bilan o‘ynashga to‘g‘ri keladi.
Siz turli xil vaziyatda bir xil o‘ynashga tayyor bo‘lishingiz kerak», — dedi Arteta.
Eslatib o‘tamiz, APLning joriy mavsumida Zinchenko «Arsenal» safida 15 ta o‘yinda maydonga tushib, bitta golli uzatmani amalga oshirgan.
