"Barselona" bosh murabbiyi Xavi Ernandes Rafinyaning muvaffaqiyatiga shubha qilmasligini aytdi. Eslatib o‘tamiz, braziliyalik yozda "Kamp Nou"ga "Lids"dan 58 million yevro evaziga o‘tgan edi.
“Men unga juda ishonaman. U jamoada eng ko‘p assistentlik qilgan futbolchi. Rafinya gol uradi va to‘p bilan dadil harakat qiladi. Bu favqulodda futbolchi. U tanqidga uchraganida ham men uning muvaffaqiyatga erishishiga shubha qilmagandim", - dedi Xavi matbuot anjumanida.
Rafinya Ispaniya chempionatining joriy mavsumida 4 ta gol urdi va 4 ta golli uzatmani amalga oshirdi. Avvalroq, "Barselona" futbolchini yozda Angliya Premyer-ligasiga qaytarishi mumkinligi haqida xabarlar tarqalgan edi.
