"Барселона" бош мураббийи Хави Эрнандес Рафиньянинг муваффақиятига шубҳа қилмаслигини айтди. Эслатиб ўтамиз, бразилиялик ёзда "Камп Ноу"га "Лидс"дан 58 миллион евро эвазига ўтган эди.
“Мен унга жуда ишонаман. У жамоада энг кўп ассистентлик қилган футболчи. Рафинья гол уради ва тўп билан дадил ҳаракат қилади. Бу фавқулодда футболчи. У танқидга учраганида ҳам мен унинг муваффақиятга эришишига шубҳа қилмагандим", - деди Хави матбуот анжуманида.
Рафинья Испания чемпионатининг жорий мавсумида 4 та гол урди ва 4 та голли узатмани амалга оширди. Аввалроқ, "Барселона" футболчини ёзда Англия Премьер-лигасига қайтариши мумкинлиги ҳақида хабарлар тарқалган эди.
