Dortmundning "Borussiya" klubi va Angliya terma jamoasining yosh iqtidori Jud Bellingem "Liverpul"ga o‘tishga tayyor, garchi "qizillar" kelasi mavsumda Chempionlar ligasini o‘tkazib yuborishi mumkin bo‘lsa ham. Yarim himoyachi Yurgen Kloppning murabbiylik qobiliyatiga muxlislik qiladi, deb xabar beradi The Athletic.
Eslatib o‘tamiz, joriy mavsumda "Liverpul" Premyer-ligada ancha kuchsiz o‘yin namoyish etmoqda va turnir jadvalida sakkizinchi o‘rinda bormoqda. Chempionlar ligasida pley-offning birinchi bosqichida "qizillar" "Real"ga birinchi o‘yinda yirik hisobda mag‘lub bo‘lishdi - 2:5.
Avvalroq, "Real" futbolchiga qiziqishni yo‘qotgani xabar qilingandi.