Tez orada yubiley 1000-o‘yinini o‘tkazadigan Germaniya terma jamoasi Ukraina bilan bahsni rejalashtirmoqda, deb xabar beradi Bayern & Germany tvitterdagi sahifasida.
Manbaga ko‘ra, Germaniya futbol assosiasiyasi iyun oyida yig‘in o‘tkazmoqchi.
Qatarda bo‘lib o‘tgan jahon chempionatida Xans-Diter Flik shogirdlari Ispaniya va Yaponiya terma jamoalari bor guruhda qolib ketgandi.
Nemislar to‘rt karra jahon chempioni hisoblanadi. Ular 1954, 1974, 1990 va 2014 yillarda jahon chempionatlarining bosh sovrinini qo‘lga kiritgan.
Jamoa uch marta Yevropa chempioni bo‘lgan: 1972, 1980 va 1996 yillarda. 2017 yilda Germaniya terma jamoasi Konfederasiyalar kubogini qo‘lga kiritdi. U 1984 yilgi Olimpiya o‘yinlarida ham oltin medalni qo‘lga kiritdi.