Тез орада юбилей 1000-ўйинини ўтказадиган Германия терма жамоаси Украина билан баҳсни режалаштирмоқда, деб хабар беради Bayern & Germany твиттердаги саҳифасида.
Манбага кўра, Германия футбол ассоциацияси июнь ойида йиғин ўтказмоқчи.
Қатарда бўлиб ўтган жаҳон чемпионатида Ханс-Дитер Флик шогирдлари Испания ва Япония терма жамоалари бор гуруҳда қолиб кетганди.
Немислар тўрт карра жаҳон чемпиони ҳисобланади. Улар 1954, 1974, 1990 ва 2014 йилларда жаҳон чемпионатларининг бош совринини қўлга киритган.
Жамоа уч марта Европа чемпиони бўлган: 1972, 1980 ва 1996 йилларда. 2017 йилда Германия терма жамоаси Конфедерациялар кубогини қўлга киритди. У 1984 йилги Олимпия ўйинларида ҳам олтин медални қўлга киритди.