Londonning “Tottenxem” klubi Formula-1 bilan hamkorlikni boshladi. Matbuot xizmati xabariga ko‘ra, tomonlar 15 yil muddatga hamkorlik shartnomasini imzolagan.
Ma’lum qilinishicha, shu yilning kuzida hamkorlik doirasida "shporlar"ning uy arenasida dunyodagi birinchi karting markazi ochiladi. Shuningdek, turli interaktiv avtosport musobaqalari o‘tkaziladi.
Angliya Premyer-ligasining joriy mavsumi 25-turidan so‘ng “Tottenxem” 45 ochko jamg‘arib, turnir jadvalida to‘rtinchi o‘rinda bormoqda.
London jamoasi Angliya kubogining beshinchi bosqichida “Sheffild Yunayted”ga qarshi bahs olib boradi.
